已定出流動裝備的首要規格

電話編
1:電話相機要有自動對焦功能，由於我不會隨身帶相機，所以鏡頭質素好重要。
2:電話上網能力，3.5G是首選，但是如果個鏡頭質素不劑的話，我情愿用番3G算啦！須然用3G會 慢一些，但你如果不是用電話當數據機上網的話，其實是差不多的。為一會有影響的是 send e-mail ，因為我大多數出電郵都有成2M大，會出成分鐘咁劑。

掌上裝備 Eee Pc Vs ipod touch
這個就問題大啦！ Palm 好似要執咁，連佢最新方向 Linux 系統，都比華碩的 Eee Pc 爬過頭，但是 ipod touch 又好似幾掂，同我加下用緊的 Palm 好接近，自從我開始寫 blog 之後，我就覺得好似有keyboard 好 D ，才俊 D ，哈.....
又於現今的電話功能都好強大，PDA 內的電話簿功能其實可以不用理，但記事功能就不能可以代替。

天意如此

個故事是咁的....
今晚我的某一項公司指派的工作,須要工作的地點是鰂魚涌,我當時身在中環國金,由於距離地鐵站幾遠下,所以我決定搭巴士,所選擇的巴士路線是M722,貪佢行東廊夠快,我沿住電車路指巴士站,但是我一直找不到,無理由電車路會無站!但我又見對面有巴士入中環鍋!咁對面有車,咁正常這面都應該有車的!正想爆頭時,咁我就決定打去新巴熱線,聽下條路線是如何走的!妖....原來是循環線,唔怪之得這邊無站!咁我就立刻過對面馬路等車啦,順便睇下條巴士線是點走的?唉.....原來國金門口有站的!行多好多怨枉路。
咁到達工作地點,開始找故障原因?過程又同我搭巴士的過程相去不遠,表面睇是電梯不能開門,咁我就落去故障的那一層視察，點知去到那層電梯又不在?同剛才找巴士站一樣，知道可以乘坐那一條巴士線,但找不到巴士站,當找到巴士站之後就好快咁到達目的地,當我找到電梯所在之樓層後,工作就很快完成。
咁究竟是巧合還是根本是兩馬子的事,是自己對號入座?

------------------------------------------------
Eee Pc
我的朋友比我早兩日 Send 比佢的資料，條友好有興趣咁周圍找部機的真身，今日比佢在吉之島找到，佢的評語同我一樣，是一部行動電腦，操作暢順，我睇條友都有D心痕想買，因我丙佢為何不用電話影幾張相send過來比我睇下，佢話有成幾十人圍住佢點影？妖....你如果不是試玩得奈，邊有咁多人圍你呀，我聽你講得咁詳細，同我在blog睇的無分別咁劑！就知你成部電腦測試晒咁劑，哈.....

檢討流動裝備進展二

最新發現，原來3的流動上網套餐內所包括的流動數據費是可以任用的！咁樣又打亂我本身的思維，$88 有成 5ooM 用幾咁吸引呀！咁我又對上網手機又有所興趣！此終3本身個瀏覽器不是太好用，須然已經有升級版本，可以上 You Tobe 睇片，但不是全熒幕呢！
其實手機我都決定用 se K810i ，除左芒細無3.5G之外，其實都好實用。但我應否用這個套餐，3還有一個平餐 $48 有 50M，自從上次要我交七百幾銀電話費之後，我就覺得應該要有，但我又好似無物用，如果用埋 Yahoo Go! 的話，又令外可以嘗試下上 Yahoo 寫番 Blog ，我此終覺得 Yahoo Blog 的社區比較容易聯系，但 Blogger 可以提供我很方便咁寫 Blog 。

檢討流動裝備進展一

講真到加下我都還未有方案！我開始覺得我對科技應用的速度追不上！何解？
我上星期無聊買左本PCM睇，本雜誌第一扁文章(編者的話)，我已經打個凸！原來華碩剛剛推出左一部叫做 Eee Pc 的電腦(我不知道應該用什麼名詞來表達這種電腦，我姑且叫佢做-行動電腦，是我在某個網誌內見到是咁形容的，我都覺得佢形容得好貼切！
是圖中細部，我睇完扁文章，好奇咁上網找資料，睇下是什麼的一回事？不睇又自可，睇左之後我個心就十五十六，好有衝動去買！規格，價錢，我都覺得是無所抗拒！實在是我心中所想要的東西，我同老死講這部電腦時，他都好抱懷疑的態度，我 send 左 D 資訊比佢睇，佢居然會有興趣，個編輯講得對的，現今的電腦規格是不是超出大多數人所須要呢？我找到個網誌寫得更白，會是大多數人的第二部電腦(第一部是NB除外)，人家點睇我不理，我睇中的是佢的流動能力，自從我開始寫 Blog 之後，我就對我部 Palm 有所不滿啦！是手寫功能，就算我買部 ipod touch 都不能解決的，因為都要手寫，我不明白為何 D 人不學識鍵盤輸入法(九方我就覺得是十分好用，只要不是白痴就得)，我現今用電話寫 Blog ，寫三百幾字就可以，再多就不能了，三百幾字都要用上我半小時以上，如果我用鍵盤的話，半小時我起碼可以打個千字(簡易倉頡)，九方的話就更加唔止添。size 細，無線上網功能，再加上鍵盤，我就可以好似一 D 作家咁，手一杯飲品在戶外打字了(是有少許誇的，哈...)，而還支援3.5G上網功能，到時我的電話月結無$5xx都幾難落樓，哈....！
這個裝備我正在評估我有無能力入貨，我的收入變化實在太大了，由其是會有 D 人間中會有 D 無謂支出！而電話方面變化就更大，我今日又是無所事事咁用手機上3的網頁睇，3電腦網頁的資訊是不可信的！上到去睇我先至知 3Xplorer 又有新版推出，新版是支援部份網頁串流播放，e.g. You tobe ，我是曾經考慮轉去 數碼通的，因為佢可以不用下載軟件都能任上網(佢話)，但經我試用之後，效果不是太理想，同 3Xplorer 無物分別，而且價錢還貴 D 添，所以我先至無轉，而且我轉的話會比人丙，我蠻咁叫人轉去 3 ，但我自己就走左去是說不通的。
而 Yahoo Go 開始支援多一些機種，如我心儀的 SE K810i ，其實電話我曾經考慮 Moto maxx V6 的，已經去到成交階段，但我一試個中文輸入法，我就立即打退堂鼓，嘩......難入到，根本就是同中文社會脫節！ 3.5G 上網，自動對焦功能，兩者二擇其一，我會選 3.5G ，因我會有兩部電話，而其中一部一定會是照相功能了得的，但首要條件是不能犧牲中文輸入，中文輸入有問題，我要部電話來做什麼呀？摩記到加下還不明白，枉佢在中國咁多年！

不用工作的長洲遊

昨日又去長洲,今次不用工作啦!可以任玩任飲(啤酒),不用限時走人,好!出發!!!

本應想座慢船去的(郊遊嗎!),點知啲累人慢條斯理,咁就錯過班船,為有座快船去,還要玩脾氣,真是媽媽佢!

上次去長洲時,見啲單車時租十元,我就心動,但奈何要追船期(工作中,哈...),今云終於可以一償所願,原來租三個鐘特價二十五元,啲累人還說點玩呀,三個鐘!一個鐘就夠啦!我吊....,最後咪又是自己推翻自己的說話,我批....,上次於九龍城單車公園,搞到我以為自己不識腳踏車!原來不是,是車本身的問題,哈...哈...

後記：比我發現長洲連流動廁所都有廁紙，哈.....

玩完單車就哽是整番餐海鮮下午茶(富貴呢?),不過今次就出事了,由於不熟悉環境,又要利用我的主修科目,羊群心理學,不過由於今次的羊牯數字實在太少,好難算,為有抽生死籖,點知今次抽支死籖,唉....!上湯浸蜆,麻麻,湯的調味不足,椒鹽鮮魷霉的不新鮮,

長洲一行

今日基於工作關係又可以去長洲一遊，講真....咁大個仔都無去過長洲遊玩，工作就試過幾次！
以香港咁多個離島，就以長洲最為旺盛，大家都是離島鎹！為什麼只得長洲可以咁旺，其他離島就日漸失色，這可是一個非常專業的問題，我都唔識答。
就講番今次之行，由於我的效率實在太高，完事之後還有都不少時間可以遊玩一下，首先就是找個地方醫肚，我選了一間當地的小型茶樓，叫左碟干炒牛河，講真在香港地可以食番碟好味的干炒牛河真是好難找？只有去一D舊式店鋪才可以食到美味的干牛河，一碟標准的干牛河是要每一條河粉都要充滿老抽的美道，叫番支冰凍的啤酒，人生一樂乜。以我個人食過咁多干牛河只有一間符合我的要來，

---

Yahoo! 網上安全攻略，教你如何防範黑客! 了解更多

如何可以休息?

究竟點樣先至可以休息?
我...今年試過很多放假方案,短休一日,連休兩日,什至乎放五日大假!但得出的結果都不是我心中所想!我理想的放假模式是不想諗野,不要想去那處地方,不規定去何家餐館,只須照顧好眼前的東西,之後的事之後先算,但不知為何今年大多數休息日都不能夠可以照這個模式運作?　
本應我對於五日澳門之旅有好大期望!但有時不是什麼事都可以如你所願!首先出閘脫腳,突如其來的支出,幾乎要把渡假計劃取消,出發當日無房(行政失當),女人發爛渣,都把先前拆劃的整個計劃拖低,有時我真是覺得一個人放假出遊是最開心的,不用理人感受,最好就是有須要先找人出來(當然這就太自私),有時真是覺得自己一個人出遊是最開心!　

電影-娛樂大亨

我分兩晚睇左這套片-娛樂大亨，我在某一個晚上的有線電影台中睇到，我當時大約睇左二十分鐘，我就決定不睇而返大陸買正版回來睇，(我已改邪歸正好奈啦)套戲成一百七十分鐘，好久沒有睇過咁長的戲了，我記得以前在戲院睇三個鐘戲是有中場休息的，咁我都要分兩晚睇都好正常，我唔知是三個鐘乍，知道的話我會安排早一點睇。
講番套戲，我為什麼要買正版回來睇？候活曉士這個人是很神秘的，有錢，有理想，又可以有資格去實現理想的人。我比較喜歡講這一類故事的電影，人物本身傳奇，再加上電影創作人的創作，令到個電影故事吸引我。
候活曉士為左追求拍電影是的真實感，所花的人力物力，如果不是對事物有所堅持是不會走去做，這個不是有錢和無錢的問題！是理想！我都曾經對做的每件事都有自己理想的一套，小時跟人做無話事權，到自己可以話事的時就因自己的理想地去做，須然是有對有錯，但在整個過程我都知自己在做什麼！須然到出錯時就終此，但我就在失敗中學習，無失敗由何來有成功呢？套戲內的主角，我十分之認同佢的做法，一定要堅持！

在天台中

人在香港測試番部palm的上網工能，上次在大陸上網的不愉快的經歷，我唔信我部palm是這麼的不劑，因為我是死硬泒，如果這扁野可以post到上去就可以証實上次在骨場寫示到blog是大陸方面的問題，其實用上網寫blog都幾好，倉頡加手寫比在電話上輸入順手得多，因為是勾線

黃竹坑邨

一個拆小見少的屋邨

深圳少年宮書城

我想我又要開始檢討一下,我加下手上所用緊的流動通訊裝備,本應我在骨場利用Palm,從骨場的WiFi上網,入到我的blog 修改我早前寫的文章來增加內容,不知是什麼原因,上載不到,好.....算吧!揼骨去吧,揼完骨走左去少年宮書城買書,買完書就走去星巴克座低,貪佢可以免費上網,點知這次重麻煩!上到線,但就物網都上唔到,連大陸網都唔得,但我見啲小資女部notebook 好似上到鍋.....媽媽佢呀....,我須然死守palm 這度防線,但不得不承認palm 上網軟件好不劑,硬件ok,但軟件還停留在出廠時的模樣,無升級過,但網頁科技日日升級,我唔指望可以上銀行網,就算得我都唔會上,一般網誌啫都咁困難?ipod touch 的級數和價錢,對我好誘惑,二千四,八激,只比一般手賬略貴,但性能就勁許多!　　去到書城走一回,我真是好配服大陸個市場之大,已經去到可以分小衆的地步,中國茶都可分到一個書架,網絡小說也有幾個,我已經好少在香買雜誌了,原因不是貴,是中文水準,早排政府想推行普通話教學,一來是國情須要,二來是我手寫我口,中文寫作水準可以提高,第二點我絕對認同!

一個人上羅湖

昨日已經打定注意今日放病假,只要今朝無大事發生的話!其實我老細經常同地講:[你地病還病,最緊要搞你地手上的工作先至好病]你估我地老細唔知是什麼的一回事咩!只要不要煩到佢老人家就得,今朝打比佢時,佢回我的第一句是:你那處的工作OK嗎?幾冷血呀!病都不問候一聲,講笑啫!其實我地老細是好好人的,此終做左咁多年人,人情世故點會唔識,哈....
星期六,一個人上路,只因想休息一下,人年紀大啦!機能不管用,做什麼事都力不從心,今次同醫生講是肌肉痛,須然是假的,但真是經常都有,我以為我至有啫,原來有啲同事都有,唉...年紀大,機器壞,這句真是無講錯!

晚上

今晚有幸可以上半山工(真是無物幾可),工作完成之後,一時興起行路落山,講真都好久無行過山,對上一次都是幾年前的星期日(不是太記得何時),又是開工其間的空檔,地點是栢架山,一個好懷念的地方,唉....!咁就廿幾年!一個由細行到大的山頭,實在太多回憶,現在回想起來一幕幕的回憶....都幾傷感....!　
今次是由梅道原住纜車道行落山,一個人聽住Mp3,須然時間就短了些,約二十分鐘路程,好過無!因下次都不知何時可以再行山,一個人行,好寧靜,行到香港公園,在太古廣場終點座低寫blog