第二部電腦

星期日上深圳一行(悶悶地無野做)，先在骨場見到有人在場內用 Eee Pc 無線上網，跟住在中心書城見到 Eee Pc 做路演，真有D冲動想立即入貨！
昨日和同事討論 Eee Pc 這條產品，佢認為這件野好就好，但又好似無物用，此終都當是一部NB來睇，但我另一個同事又不是這種想法，作為第二部電腦又話好好用，兩者都有一個共通點：就是戶外上網，修改文章，就真是一流，但當是電子記事簿就好廢啦(其實都唔知有無這種功能添？)。
終合兩者意見，如果我想要擁有的話，就要做一些心理調整，把我用了咁多年的電子手帳，可能真是要淘汰(好唔捨得)，唉..........時代的巨輪真是唔系你或我可以阻檔(好無奈)！
以前點解要用手帳，因為手寫電話簿真是唔好用，由其是要修改資料時，簿又容易損壞！早期我又是用 call 機的，而 casio 的電子手帳又真是幾好用，當時 Palm 都唔知出世未(真是唔知)，到開始用手提電話，由於我是用訊聯的 TDMA (平嗎)，嘩！入電話號碼簡直是一種懲罰，同學生時要罰抄無分別，而且還要辛苦，所以我是入好少電話號碼，首先電話費貴($400/100分鐘)，好少用打的，又無來電顯示，所以入電話號碼的用途都無物用，到後期須然是轉用 GSM ，轉電話時不用罰抄入電話號碼，但此終無線電話到今日都有一個通病，就是電話號碼唔可以分纇，就算是現今的電話可以入成千個號碼，又可以用藍芽傳送好方便，但要在幾百個人名中找尋此終是不好找！但手帳就唔同，因有分纇，又可以用名字搜尋，方便得多！
今日手帳加手提電話加戶外上網，基本上一部智能無線電話就可以做到，但價錢會幾貴下，而且某方面用起上來會唔好用，上網最好是芒大D，睇得舒服的，咁手帳所用的四吋芒會是幾適合(是現今手帳還未淘汰的理由)，但是 Palm 的設置開始有D跟不上(無奈)， PPC 我又不會考慮(死硬派，無野講)，我真是想置番部 NB ，但價錢相等於機兩倍，有少許唔捨得！
Eee Pc 的出現，我開始覺得合適，現今的流動上網裝置，是 ipod touch 和 Eee Pc 之爭。所以我會買 Eee Pc ，等我手頭鬆D就會落實，哈...！部 Palm 我或者用到佢死為此。其實 Eee Pc 有些似我以前用的 CASIO ！